Author: देवबाबा सेवक

प्रिय बाबा,

आज अंकासाठी लेखन करण्याच्या निमित्ताने मला तुम्हाला खूप काही सांगायचं आहे ते लिहीत आहे. 

प. पु. देवबाबा, गुरुवर्य देवबाबा असे म्हणता म्हणता तुम्ही माझे बाबा कधी झालात कळलंच नाही. मी जशी माझ्या बाबांना सगळं मनातलं सांगायचे तसंच तुम्हाला सांगायला कधी लागले, हट्ट करायला लागले कळलंच नाही. तुमच्या मायेची, आधाराची, विश्वासाची बैठक माझ्या मनात कधी रुजत गेली हे सांगणं कठीण आहे. पण तरीही काही प्रसंग जरूर सांगावेसे वाटतात कारण भक्तीची सुरुवात हि कितीही स्वार्थी, अडचणी, प्रसंगांनी झाली तरीही ती फुलते फक्त विश्वासाने. 

मी सर्व देवांना मानत असे, पण मला कोणत्याही एकाच देवाच्या भक्तीत स्वतःला बांधता आले नाही. माझ्या दृष्टिकोनातून भक्ती हि कोणत्याही रूपात बांधील नसावी. सर्व देव एकच. फक्त रूपं वेगवेगळी असं मी मानत असे. पण आपला पहिला संवाद झाला तेव्हाच मला जाणीव झाली की माझी द्विधा मानसिकता हि तुमच्या पर्यंत पोहोचली आहे, काहीही न सांगता. तुम्ही मनकवडे आहात ह्याची प्रचिती यायला लागली. भक्तीतच शक्ती आहे, विश्वासातच सामर्थ्य आहे याची जाणीव घट्ट रुजायला लागली आणि आपले संवाद वाढत गेले. मी कधीही माझ्या घरात तुमचा फोटो सुद्धा ठेवला नव्हता तरीही आपले वेळोवेळी संवाद घडत गेले.

Continue reading “बाबांवरचा विश्वास आणि स्त्री वेषातले दर्शन”

।। ॐ श्री साई अनंत ।।

मी पूर्वीपण माझे अनुभव सांगितलेत, पण जेव्हा पुन्हा ठरवलं कि माझा अनुभव परत सांगावा, तेव्हा मीच खूप उत्साहित झाले. यामागे एक स्वार्थ आहे, तुकाराम म्हणतात तसं, 

” हेचि दान देगा देवा, तुझा विसर ना व्हावा,
गुण गाईन आवडी हेचि माझी सर्व जोडी,
ना लगे मुक्ती आणि संपदा संत संग देई सदा.”

म्हणजे अगदी सोप्या शब्दात सांगायचं तर काही दिवसापासून मी पाहतेय, बाबांबद्दल बोलणं, माझ्या प्रत्येक अनुभवांत त्यांना शोधणं मला खूप आनंद देतंय. मग पुन्हा एकदा तुमच्यासोबतीत त्यांचं गुणसंकीर्तन करण्याची संधी मिळतेय तर त्याला मी कसं नाही म्हणेन? I wanted to enjoy the happiest experience again one more time with your company. 

Continue reading “हेचि दान देगा देवा, तुझा विसर ना व्हावा”

|| श्री ||

आज खूप छान योग आलाय, सगळ्यांसोबत अनुभव share करण्याचा. माझं लग्न ठरल्यापासून मी बाबांच्या इथे येत आहे. जेव्हा जेव्हा बाबांच्या स्थानावर येते, तेव्हा तेव्हा एक अशी positive energy मिळाल्यासारखे वाटते. हळू-हळू खूप ओढ निर्माण झाली आणि आता कुठलाही प्रसंग असतो चांगला, वाईट, आधी बाबांचं नाव तोंडात येतं.

बाबा आपल्या बरोबर आहेत हे ते नेहमीच छोट्या छोट्या गोष्टींमधून दाखवून देतात. मी बाबांची उपासना करायला लागल्या पासून मला माझ्या मध्येही खूप फरक जाणवायला लागलेत. माझ्या स्वभावातही काही बदल झालेत, ज्यांच्या मुळे आयुष्यात एक वेगळीच शांतता लाभली आहे.

Continue reading “‘मी सोबत आहे’ हे बाबा पदोपदी दाखवून देतात”